card

Өмнөд Уралын
улсын их сургууль

Өмнөд-Уралын улсын их сургууль нь ( цаашид ЮУрГУ гэж товчилно)  SMART их сургууль бөгөөд Евроазийн  хилийн заагт орших  Челябинск хотод  байрлах ба  Оросын лидер их, дээд сургуулиудын нэг юм.  Рейтингээрээ  ОХУ-ийн    тэргүүний, сонгодог  15 их сургуулийн тоонд багтдаг тул залуучуудын дунд эрэлт хэрэгцээ ихтэй.  Манай сургуулийн сургалтын   бүх бодлого, хөтөлбөрүүд Дэлхийн түвшийн  мэдлэг боловсрол эзэмшсэн,  олон улсын зах зээлд өрсөлдөх чадвартай мэргэжилтэн бэлтгэхэд  чиглэдэг юм.  Өнөөддөр  ЮУрГУ-д   58 орны 2300 гаруй гадаад оюутан олон төрлийн мэргэжилээр суралцаж байна. Сургуулийн хэмжээнд  техникийн,  хүмүүнлэгийн, эдийн засгийн мөн байгалийн шинжлэх ухааны чиглэлээр  орос болон англи хэл дээрхи  сургалтын хөтөлбөр хэрэгжиж байна.

Их сургуулийн тухай

Байрлах хот:

Челябинск хот

Салбар сургуулиуд, төлөөлөгчийн газрууд:

Миасс, Златоуст, Нижневартовск хотууд

Байгуулагдсан огноо:

  • 1943 оны 11 сарын 2

Дэлхийн түвшинд болон ОХУ дахь рейтинг:

QS Рейтинг:

  • QS WUR -ээр 801-1000
  • QS EECA-аар  128
  • QS Graduate Employability Rankings /төгсөгчдийн ажил эрхлэлтийн үзүүлэлтээр  101-110

THE Рейтинг:

  • THE WUR 1001+
  • THE Impact Ranking 301-400
  • THE Emerging Economies 351-400
  • THE Engineering & Technology 501-520
  • THE Physical Sciences 601-800
  • THE Computer Science 601-800

Webometrics Рейтинг:

  • Дэлхийд 1429
  • ОХУ-ийн их дээд сургуулиудын дунд  23

RUR (Round University Ranking) Рейтинг:

  • Дэлхийд 772
  • ОХУ-ийн их дээд сургуулиудын дунд  70
  • Natural Sciences (дэлхийд / ОХУ-д) 526/25
  • Technical Sciences (дэлхийд / ОХУ-д) 690/52
  • Social Sciences (дэлхийд / ОХУ-д) 631 / 42
  • Medical Sciences (дэлхийд / ОХУ-д) 451/11
  • Life Sciences дэлхийд / ОХУ-д) 454/15
  • Humanities (дэлхийд / ОХУ-д) 494 / 27

RankPro Рейтинг:

  • Дэлхийд 389
  • Европт 190
  • ОХУ-ийн их дээд сургуулиудын дунд 16

RAEX-ийн нөлөө бүхий их сургуулиудын “Инженер-техниийн салбарын тэргүүний” эрэмбээр 55 -д

ОХУ-ын эрэлт ихтэй дээд сургуулийн рейтингэд (сонгодог их сургууль) 14

Forbes :ОХУ-ын их дээд сургуулиудын рейтингэд 26

Их сургуулийн стратеги хөгжил болон шинжлэх ухаан боловсролын  тэргүүлэх чиглэлүүд:

ЮУрГУ-ийн  хөгжлийн бодлогын гол зорилго нь их сургуулийг SMART  сургууль болгон өөрчилж улмаар   улс орон, бүс нутгийн хувьд чухал ач холбогдолтой тоон технологид суурилсан үйлдвэрлэл, материал судлал, экологийн чиглэлээр дэлхийд Орос улсын лидер  байр суурийг олж авах. 

Их сургуулийн академик сургалтын чиглэлүүд:

  • техникийн ухаан (инженерчлэл, мэдээллийн технологи, автомашин үйлдвэрлэл, иргэний барилга, архитектур)
  • хүмүүнлэгийн ухаан (эрх зүй, түүх, хэл шинжлэл, сэтгэл судлал)
  • анагаахын ухаан (биеийн тамир, спорт, эрүүл мэндийн салбарын судалгаа)
  • эдийн засгийн ухаан (эдийн засаг, менежмент, маркетинг, төрийн захиргаа, эконометрик)
  • байгалийн ухаан  (биологи, физик, хими, нанотехнологи)

Монгол оюутнууд оролцож болох шинжлэх ухаан судалгааны чиглэлүүд болон төсөл хөтөлбөрүүд:

ЮУрГУ нь «Приоритет 2030» төслийн хөтөлбөрийн хүрээнд хэрэгжсэн  “Лидер судлаачид” трект тэргүүлэх байр эзэлсэн.

Стратегийн ач холбогдолтой «Оюун ухааны үйлдвэрлэл» төсөл нь  Уралын болон Орос улсын металлургийн үйлдвэр, машины үйлдвэрүүдийн тоон хувиралт / трансформацийг хангаж, өрсөлдөх чадварыг нь нэмэгдүүлнэ. Энэхүү төсөл нь тоон ихрүүд; өөрийгөө оношлох утасгүй мэдрэгчтэй систем; хиймэл оюун ухаан, квант технологид суурилсан мэдээлэл боловсруулах аргуудыг цогцоор нь боловсруулах юм.

«Ирээдүйн материалууд» хоёр дахь стратегийн төсөл нь шинэлэг материалыг зах зээлд гаргах, зардал, цаг хугацааг багасгах, материалыг дахин боловсруулах шинэ технологийг бий болгох зорилготой.

Гурав дахь төсөл нь "Аж үйлдвэрийн дараах бөөгнөрлийн /агломерацийн экологи" нэртэй ба Их сургууль нь Челябинск мужийн Экологийн яам болон улсын хэд хэдэн томоохон аж ахуйн нэгжүүдтэй амжилттай хамтран ажиллаж байна. "Дижитал ертөнц дэх эрүүл мэнд", "Аж үйлдвэрийн дижитал бичиг үсэг 4.0" төслүүд маш өргөн хүрээг хамрах  ирээдүйтэй.

 ЮурГУ нь 2018 оноос   бакалавр болон магистрын  элит  бэлтгэлийн ангиудад төслийн сургалт  хэрэгжүүлж  эхэлсэн юм. Төслийн суралтын хүрээнд  олон  чиглэлийн болон янз бүрийн түвшний сургалттай  оюутнуудыг (эдийн засагч, дизайнер, программчин, инженер, маркетингийн  мэргэжилтэн г.м.)    баг болгон  бэлтгэнэ. Судалгаанууд нь  олон төрөл чиглэлийн   мэргэжлийг  хавсардаг.    

Бүс нутгийн болон Бүх Оросын, мөн  дэлхийн хэмжээний  томоохон аж үйлдвэрийн корпорацууд, төрийн болон гүйцэтгэх засаглалын  байгууллагууд,  академийн хамтрагчид, «старт ап» ба  «спин-офф»-ууд   төслийн  гол захиалагчид  байдаг. Тэдгээрийн дотор:  “Emerson”, “SMS Group”, “Siemens”, “Samsung” үйлдвэрүүд, «Касперскийн лаборатори», «Сбербанк», Магнитогорск хотын металлургийн  комбинат”, ”КАМАЗ” машины үйлдвэр, «Роскосмос», «Росатом» төрийн өмчит корпорацуудыг  нэрлэж болно.

Монгол оюутнууд оролцох боломжтой конкурс, олимпиад, нэмэлт тэтгэлэгт хөтөлбөрүүд:

  • Олон улсын “Opendoors” олимпиад
  • Гадаад оюутнуудыг ОХУ-ын Боловсрол, шинжлэх ухааны яамны баталсан тэтгэлэг, квотоор суралцуулах 

https://education-in-russia.com сайтаар хийгдэж эхэлсэн байгаа

Тэтгэлэгт сургалтанд  хамрагдсан оюутнуудад сар бүр стипенди олгоно.

Их сургууль тоон үзүүлэлтээр

Зургийн цомог

Амьдрах нөхцөл

1

Өрөөнд байрлах хүний тоо ба төлбөр

  • 2 хүний өрөө сард 800 руб-ээс
  • 3 хүний өрөө сард 500 руб-ээс

2

Төлбөрийн нөхцөл

  • Сараар
  • Жилээр

3

Байрны нөхцөл

  • Гал тогоо
  • Шүршүүрийн өрөө
  • Индүүдлэгийн өрөө
  • Хичээл давтах  өрөө
  • Компьютерийн өрөө
  • Биеийн тамир, дасгалын өрөө
  • Амралтын өрөө
  • ТВ-ийн  өрөөнүүд

4

Интернет

Их сургуулийн бүх мэдээллийн сүлжээнд (өөрийн сурч буй салбар, тэнхимийн сервер, вэбсайтад мөн  шинжлэх ухааны номын сангийн вэбсайтад, ЮУрГУ-гийн цахим нөөцийн каталог, гадаадын томоохон мэдээллийн санд ) Wi-Fi хандалт хийх боломжтой

5

Оюутны амралт, чөлөөт цаг

  • Спорт цогцолбор (усан бассейн, авирах хана, спорт, биеийн тамирын заал)
  • Соёлын төв
  • Сувилал, амралтын газар
  • Клуб г. м.
  • Жилд зохион байгуулагддаг 200 гаруй арга хэмжээ
  • Амралтын бааз
  • 23 уран сайханчдын хамтлаг
  • 26 спортын дугуйлан
  • 27 оюутны холбоо
  • Ойн цэцэрлэгт хүрээлэнгийн ойролцоох газар
  • Хотын төв хэсэгт байрладаг хичээлийн байр, дотуур байр

6

Хот дотор нийтийн тээврийн  хэрэгслээр зорчих төлбөр

  • Автобус - 23 руб
  • Чиглэлийн бага оврын автобус - 28 руб

7

1 сарын амьдралын өртөг

  • 1200 руб

Сургалтын хөтөлбөрүүд, төлбөр

Байршил

Блог

Түгээмэл асуулт, хариултууд

Сургуулиа хэрхэн сонгох вэ?

ОХУ-ын 80 гаруй муж, хотуудад гадаад оюутан элсүүлэх эрхтэй 700 гаруй улсын чанартай их сургууль байдаг. Сургууль бүр өөрийн үүсгэн байгуулагдсан түүх, судалгааны чиглэл, онцлогоосоо хамаараад тодорхой мэргэжлийн чиглэлүүд болон сургалтын хөтөлбөрүүдээ түлхүү хөгжүүлсэн байдаг. Тиймээс суралцах гэж байгаа мэргэжлийг тань үндэслэн хамгийн зөв, оновчтой сургуулийн сонголт хийхэд бидний зүгээс зөвлөгөө, туслалцаа үзүүлэх боломжтой.

Ямар мэргэжлүүд байдаг вэ?

ОХУ-ын боловсролын яамнаас нь баталсан нийтдээ 600 гаруй мэргэжлийн чиглэл байдаг. Эдгээр мэргэжлийн чиглэлүүдийг үндэслэн их сургуулиуд сургалтын хөтөлбөрөө гаргадаг бөгөөд, зарим сургуулиуд нь өөрийн судалгаа шинжилгээ, нарийн хөгжүүлж байгаа салбараасаа хамаараад шинэ мэргэжил, сургалтын хөтөлбөрүүдийг боловсруулж, оюутнууддаа санал болгодог.

Мэргэжлийн чиглэлүүдтэй манай “Мэргэжил” цэснээс танилцаарай.

Суралцах орчин, байр, хоол, амьдрах өртөг нь ямар байдаг вэ?

Оросын ихэнх сургуулиудын хичээлийн байр, оюутны байр, судалгааны бааз, лабораториуд, урлаг спортын цогцолборууд нь бүгд нэгдсэн кампус хотхонд тусгай хамгаалалтанд байдаг. Зарим сургуулиудын оюутны байрууд нь 5-20 мин-ын явган замд, зарим нь автобус, метрогоор явах замд байрладаг. Нэг онцлог нь оюутны байрны төлбөр нь маш хямд – дунджаар ердөө 1 сарын 20,000-50,000₮ байдаг. Хоол, амьжиргааны зардал нь хотоосоо хамаараад 1 сард 250,000-400,000₮ болдог.

Оросод сурах нь бусад орнуудтай харьцуулахад ямар давуу талуудтай байдаг вэ?

1-рт - сургалтын чанар. Анагаах ухаан, инжененер техник, мэдээллийн технологи, уул уурхай, сонгодог урлаг, батлан хамгаалах, байгалийн шинжлэх ухаанд тулгуурласан хими, физик, геологийн чиглэлүүд нь дэлхийд тэргүүлдэг.

2-рт – монголд ойрхон. Хөрш орон учир машин, автобус, галт тэрэг, онгоц гээд бүхий төрлийн тээврийн хэрэгслээр зорчих боломжтой. Ар гэрийнхэн нь 1 сарын хугацаанд визгүй зорчино.

3-рт – амьдрах өртөг бага. Төлбөртэй сурах нөхцөлд төлбөрийн хэмжээ нь монголтой ижил. Мөн оюутнууд ажил хийх албан ёсны зөвшөөрөлтэй болсон.

Оросод сурахад аймар, оюутнууд нь архи их уудаг гэж зарим хүмүүс ярьдаг?

Энэ бол бодит бус цуу яриа. 1990-ээд оны шилжилтийн үе хэдийн өнгөрөөд 30 жил болжээ. Өнөөдөр бол Орос орон аюулгүй байдал, батлан хамгаалах салбараараа харин ч дэлхийд тэргүүлэх орнуудын нэг болж, Оросын зарим хотууд “дэлхийн хамгийн аюулгүй хотууд” жагсаалтуудад хүртэл ороод байна. Оюутны кампусууд нь харуул хамгаалат сайтай байдаг. Мэдээж орой шөнө гараад гудамж захаар яваад байвал дэлхийн аль ч оронд, ямар ч хүмүүс байж болдог. Архи уух нь ч тухайн хувь хүний асуудал, архийг зөвхөн Оросод худалдаалдаг, бусад европ, азийн орнуудад архи уухгүй гэх асуудал байхгүй шүү дээ.

Орос хэлгүй бол яах вэ?

Орос хэлээ аль нэг сургуулийн хэлний бэлтгэлд сурах боломжтой. Нэг онцлог нь Оросын их сургуулиудын хэлний бэлтгэлд орос хэлээ тухайн суралцах мэргэжилд нь тулгуурлан заахаас гадна, ерөнхий мэдлэгийн хичээлүүд болон мэргэжлийн зарим хичээлүүд ордог учраас цаашдаа 1-р курстээ ороод сурахад  маш сайн бэлтгэл болдог. Энэ нь мөн тэтгэлгийн сонгон шалгаруулалтанд бэлтгэх боломж болдог.

Орос хэлийг хаана сурсан нь дээр вэ?

1-рт аль болох монголчууд багатай хотод сурах нь үр дүнтэй байдаг. Учир нь монголчууд ихтэй сургууль болон хотод монгол оюутнууд хоорондоо монгол хэлээрээ яриад орос хэлээ эзэмшихэд саад болдог. Харин орос болон гадаад оюутнуудтай орчинд хүссэн хүсээгүй оросоор л ярих шаардлагатай болдог учир хэлээ богино хугацаанд сайн сурч чаддаг.

Монгол оюутнууд байхгүй бол ганцаардана, дасан зохицоход хэцүү гэж айх, санаа зовох хэрэггүй, сургуулийнх нь гадаад оюутнууд хариуцсан албаны ажилтнууд нь гадаад оюутнуудаа яг л эцэг эх шиг нь л халамж анхаарал тавьдаг.

Тэтгэлгээр элсэн суралцах боломж байдаг уу?

Мэдээж байгаа. ОХУ нь Монголд олгож байгаа тэтгэлгийн хэмжээгээрээ тэргүүлдэг. Жил бүр бакалавр, магистр, доктор болон мэргэжил дээшлүүлэх зэргээр суралцах 500 тэтгэлгийг олгодог. Тэтгэлгийн сонгон шалгаруулалтыг жил бүрийн 2-3 сард Улаанбаатар дахь Оросын шинжлэх ухаан соёлын төвд явуулдаг.

Сургуульдаа сурч байхдаа тэтгэлэгт хамрагдах боломж байдаг уу?

Энэ тал дээр Оросын сургуулиуд маш сайн анхаарал хандуулж оюутнуудыг урамшуулж байдаг. Олон сургуулиуд сургалт, шинжлэх ухаан судалгааны ажлууд, урлаг соёл, нийгэм, спортын чиглэлээр амжилт гаргасан оюутнуудад нэмэгдүүлсэн тэтгэлэг олгодог. Уг тэтгэлгүүдэд аль ч курсын оюутнууд хандах боломжтой бөгөөд хэмжээ нь чиглэлээсээ хамаараад 400,000-600,000₮ байдаг.

Монголд эсвэл өөр улсуудад сурч байгаад 1,2,3-р курсээсээ шилжин суралцаж болдог уу?

Зарим сургуулиуд хүлээж авдаг байгаа. Танд тийм асуудал байгаа бол манайд хандаарай.

Хүсэлт илгээх