card

Алтайн Техникийн Улсын Их сургууль /АлтГТУ/

          Алтайн Техникийн Улсын Их сургууль нь 1942 онд байгуулагдсан бөгөөд Оросын шилдэг их дээд сургуулиудын нэг юм. Өнөөдрийн байдлаар тус сургууль нь 67 мэргэжлийн хөтөлбөрийн дагуу бакалавр, магистр, аспирантур, доктрантурын түвшний мэргэжилтнүүд бэлтгэж байна. 

         Алтайн Техникийн Улсын Их сургууль нь Франц, Итали, Хятад, Монгол, Вьетнам, Казахстан, Кыргызстан зэрэг улсуудтай хамтран ажиллаж, шинжлэх ухааны судалгаа, эрдэм шинжилгээний солилцооны хөтөлбөрүүд, хамтарсан боловсролын хөтөлбөрүүд хэрэгжүүлж байна. 

Тус сургуулийн оюутнууд, аспирантууд нь техникийн болон нийгмийн шинжлэх ухааны олон улсын олимпиаданд тогтмол тэргүүн байранд шалгарч шагнал хүртдэг. 

Өнөөдрийн байдлаар нийт 20 мянга гаруй оюутнууд суралцаж байгаа бөгөөд 900 гаруй нь гадаадын иргэд байгаа юм. 

Их сургуулийн тухай

Байрлах хот:

  • Барнаул

Салбар сургуулиуд, төлөөлөгчийн газрууд:

  • Бийск
  • Рубцовск

Байгуулагдсан огноо:

  • 1942 оны 2 сарын 23

Дэлхийн түвшинд болон ОХУ дахь рейтинг:

  • Дэлхийн нэгдсэн рейтингийн шилдэг их дээд сургуулиудын ТОП-10% 
  • Европ болон Төв Азийн хөгжиж буй орнуудын их дээд сургуулиудын рейтингт 351- 400

Их сургуулийн стратеги хөгжил болон шинжлэх ухаан боловсролын тэргүүлэх чиглэлүүд:

  • хотын тав тух, аюулгүй байдал
  • мэдээллийн систем ба технологи
  • Технологийн шинэ материалууд болон тэдгээрийн үйлдвэрлэл
  • химийн технологи
  • хүнсний систем

Монгол оюутнууд оролцож болох шинжлэх ухаан судалгааны болон төсөл хөтөлбөрүүд:

  • Техникийн харааны системүүд
  • Үйлдвэрлэл болон ахуйн удирдлагын ухаалаг, мэдээлэл зүйн системүүд
  • Их хэмжээний мэдээллийн боловсруулалт
  • Шаардлагатай ашиглалтын нөхцөл дэхь материалын бүтэц боловсруулалт
  • Өгөгдсөн материалын байгууламж ба түүний технологийн үйл явц, бүтээгдэхүүний хийц 
  • Тусгай зориулалтын материал ба хийц
  • машин үйлдвэрлэлийн үйлдвэрлэлийн машин хэрэгсэл, тоног төхөөрөмжийг зохион бүтээх, үйлдвэрлэх, автоматжуулах
  • Шаардлагатай ашиглалтын нөхцөлд материалын бүтцийн боловсруулалт

Монгол оюутнууд оролцон тэтгэлэг, грант авах боломжтой олимпиад, конкурс, уралдаанууд:

  • “Мэдэээлэл-боловсролын хөтөлбөр “Орос дахь боловсрол”

Их сургууль тоон үзүүлэлтээр

Зургийн цомог

Амьдрах нөхцөл

1

Өрөөнд байрлах хүний тоо ба төлбөр

  • Стандарт нөхцлийн нэг хүний - 900 рубль
  • Сайжруулсан нөхцөлтэй өрөө - 2856 рубль

 

2

Төлбөрийн нөхцөл

  • Сараар
  • Семестрээр
  • Хичээлийн жилээр

 

3

Байрны нөхцөл

  • Гал тогоо
  • Шүршүүр
  • Хувцас угаалгын өрөө
  • Сургалтын өрөөнүүд
  • Дасгал сургуулилтын зал

 

4

Интернет

  • Wi-Fi 

5

Оюутны амралт, чөлөөт цаг

  • Спортын талбайнууд
  • Спортын секцүүд
  • Дасгал сургуулилтын залууд
  • Оюутны клуб

6

Хот дотор нийтийн тээврийн хэрэгслээр зорчих төлбөр

  • Автобус - 55 рубль, метро - 60 рубль

7

1 сарын амьдралын өртөг

  • 20000 рубль

Сургалтын хөтөлбөрүүд, төлбөр

Байршил

Брошюр татах

Блог

Түгээмэл асуулт, хариултууд

Сургуулиа хэрхэн сонгох вэ?

ОХУ-ын 80 гаруй муж, хотуудад гадаад оюутан элсүүлэх эрхтэй 700 гаруй улсын чанартай их сургууль байдаг. Сургууль бүр өөрийн үүсгэн байгуулагдсан түүх, судалгааны чиглэл, онцлогоосоо хамаараад тодорхой мэргэжлийн чиглэлүүд болон сургалтын хөтөлбөрүүдээ түлхүү хөгжүүлсэн байдаг. Тиймээс суралцах гэж байгаа мэргэжлийг тань үндэслэн хамгийн зөв, оновчтой сургуулийн сонголт хийхэд бидний зүгээс зөвлөгөө, туслалцаа үзүүлэх боломжтой.

Ямар мэргэжлүүд байдаг вэ?

ОХУ-ын боловсролын яамнаас нь баталсан нийтдээ 600 гаруй мэргэжлийн чиглэл байдаг. Эдгээр мэргэжлийн чиглэлүүдийг үндэслэн их сургуулиуд сургалтын хөтөлбөрөө гаргадаг бөгөөд, зарим сургуулиуд нь өөрийн судалгаа шинжилгээ, нарийн хөгжүүлж байгаа салбараасаа хамаараад шинэ мэргэжил, сургалтын хөтөлбөрүүдийг боловсруулж, оюутнууддаа санал болгодог.

Мэргэжлийн чиглэлүүдтэй манай “Мэргэжил” цэснээс танилцаарай.

Суралцах орчин, байр, хоол, амьдрах өртөг нь ямар байдаг вэ?

Оросын ихэнх сургуулиудын хичээлийн байр, оюутны байр, судалгааны бааз, лабораториуд, урлаг спортын цогцолборууд нь бүгд нэгдсэн кампус хотхонд тусгай хамгаалалтанд байдаг. Зарим сургуулиудын оюутны байрууд нь 5-20 мин-ын явган замд, зарим нь автобус, метрогоор явах замд байрладаг. Нэг онцлог нь оюутны байрны төлбөр нь маш хямд – дунджаар ердөө 1 сарын 20,000-50,000₮ байдаг. Хоол, амьжиргааны зардал нь хотоосоо хамаараад 1 сард 250,000-400,000₮ болдог.

Оросод сурах нь бусад орнуудтай харьцуулахад ямар давуу талуудтай байдаг вэ?

1-рт - сургалтын чанар. Анагаах ухаан, инжененер техник, мэдээллийн технологи, уул уурхай, сонгодог урлаг, батлан хамгаалах, байгалийн шинжлэх ухаанд тулгуурласан хими, физик, геологийн чиглэлүүд нь дэлхийд тэргүүлдэг.

2-рт – монголд ойрхон. Хөрш орон учир машин, автобус, галт тэрэг, онгоц гээд бүхий төрлийн тээврийн хэрэгслээр зорчих боломжтой. Ар гэрийнхэн нь 1 сарын хугацаанд визгүй зорчино.

3-рт – амьдрах өртөг бага. Төлбөртэй сурах нөхцөлд төлбөрийн хэмжээ нь монголтой ижил. Мөн оюутнууд ажил хийх албан ёсны зөвшөөрөлтэй болсон.

Оросод сурахад аймар, оюутнууд нь архи их уудаг гэж зарим хүмүүс ярьдаг?

Энэ бол бодит бус цуу яриа. 1990-ээд оны шилжилтийн үе хэдийн өнгөрөөд 30 жил болжээ. Өнөөдөр бол Орос орон аюулгүй байдал, батлан хамгаалах салбараараа харин ч дэлхийд тэргүүлэх орнуудын нэг болж, Оросын зарим хотууд “дэлхийн хамгийн аюулгүй хотууд” жагсаалтуудад хүртэл ороод байна. Оюутны кампусууд нь харуул хамгаалат сайтай байдаг. Мэдээж орой шөнө гараад гудамж захаар яваад байвал дэлхийн аль ч оронд, ямар ч хүмүүс байж болдог. Архи уух нь ч тухайн хувь хүний асуудал, архийг зөвхөн Оросод худалдаалдаг, бусад европ, азийн орнуудад архи уухгүй гэх асуудал байхгүй шүү дээ.

Орос хэлгүй бол яах вэ?

Орос хэлээ аль нэг сургуулийн хэлний бэлтгэлд сурах боломжтой. Нэг онцлог нь Оросын их сургуулиудын хэлний бэлтгэлд орос хэлээ тухайн суралцах мэргэжилд нь тулгуурлан заахаас гадна, ерөнхий мэдлэгийн хичээлүүд болон мэргэжлийн зарим хичээлүүд ордог учраас цаашдаа 1-р курстээ ороод сурахад  маш сайн бэлтгэл болдог. Энэ нь мөн тэтгэлгийн сонгон шалгаруулалтанд бэлтгэх боломж болдог.

Орос хэлийг хаана сурсан нь дээр вэ?

1-рт аль болох монголчууд багатай хотод сурах нь үр дүнтэй байдаг. Учир нь монголчууд ихтэй сургууль болон хотод монгол оюутнууд хоорондоо монгол хэлээрээ яриад орос хэлээ эзэмшихэд саад болдог. Харин орос болон гадаад оюутнуудтай орчинд хүссэн хүсээгүй оросоор л ярих шаардлагатай болдог учир хэлээ богино хугацаанд сайн сурч чаддаг.

Монгол оюутнууд байхгүй бол ганцаардана, дасан зохицоход хэцүү гэж айх, санаа зовох хэрэггүй, сургуулийнх нь гадаад оюутнууд хариуцсан албаны ажилтнууд нь гадаад оюутнуудаа яг л эцэг эх шиг нь л халамж анхаарал тавьдаг.

Тэтгэлгээр элсэн суралцах боломж байдаг уу?

Мэдээж байгаа. ОХУ нь Монголд олгож байгаа тэтгэлгийн хэмжээгээрээ тэргүүлдэг. Жил бүр бакалавр, магистр, доктор болон мэргэжил дээшлүүлэх зэргээр суралцах 500 тэтгэлгийг олгодог. Тэтгэлгийн сонгон шалгаруулалтыг жил бүрийн 2-3 сард Улаанбаатар дахь Оросын шинжлэх ухаан соёлын төвд явуулдаг.

Сургуульдаа сурч байхдаа тэтгэлэгт хамрагдах боломж байдаг уу?

Энэ тал дээр Оросын сургуулиуд маш сайн анхаарал хандуулж оюутнуудыг урамшуулж байдаг. Олон сургуулиуд сургалт, шинжлэх ухаан судалгааны ажлууд, урлаг соёл, нийгэм, спортын чиглэлээр амжилт гаргасан оюутнуудад нэмэгдүүлсэн тэтгэлэг олгодог. Уг тэтгэлгүүдэд аль ч курсын оюутнууд хандах боломжтой бөгөөд хэмжээ нь чиглэлээсээ хамаараад 400,000-600,000₮ байдаг.

Монголд эсвэл өөр улсуудад сурч байгаад 1,2,3-р курсээсээ шилжин суралцаж болдог уу?

Зарим сургуулиуд хүлээж авдаг байгаа. Танд тийм асуудал байгаа бол манайд хандаарай.

Сургуулийн давуу талууд

Хүсэлт илгээх