Кубаний улсын их сургууль (КубГУ) 

Кубаний улсын их сургууль нь байгалийн шинжлэх ухаан болон хүмүүнлэгийн ухааныг  хослуулан заан сургадаг сонгодог их сургууль юм. Дэлхийн 80 гаруй тэргүүлэх их сургуулиуд Кубаний их сургуультай боловсрол, шинжлэх ухаан, инновацийн салбарт хамтран ажилладаг. Тус их сургууль нь оюутнууд, шинжлэх ухаан-багшлах боловсон хүчин, захиргааны ажилтнуудынхаа  олон улсын түвшинд хамтран ажиллах тал дээр онцгой анхаарал хандуулан, олон улсын боловсролын хөтөлбөрүүдийг хөгжүүлэх хийгээд олон улсын байгууллагуудаас санхүүждэг төсөл хөтөлбөрүүдийн үйл ажиллагаанд идэвхитэй оролцдог.  

Дэлхийн 120 гаруй орны мэргэжилтнүүд Кубаний улсын их сургуулийн төгсөгчид байдаг бол жил бүр тус сургуульд суралцахаар Европ, Ази, Америк, Африк улс орнуудаас оюутнууд хүрэлцэн ирдэг.

Их сургуулийн тухай

Байрлаа хот:

  • Г. Краснодар

Салбар, төлөөлөгчийн газрууд:

  • г. Армавир
  • г. Геленджик
  • г. Новороссийск
  • г. Тихорецк
  • г. Славянск-на-Кубани

Байгуулагдсан огноо:

  • 1920  оны 9 сарын 5

Дэлхийн түвшинд рейтингээр:

  • Кубаний улсын их сургууль нь сүүлийн жилүүдэд олон улсын “Интерфакс” мэдээллийн бүлгийн шилдэг их дээд сургуулиудын үндэсний рейтингэд тогтмол орж байна. Тус  их сургууль 2020 онд ОХУ-ын шилдэг 100 боловсролын байгууллагуудын тоонд багтаж, “Боловсрол” үзүүлэлтээр ОХУ-д 7-р байр эзлэн, Холбооны өмнөд тойрогт манлайлагч их сургууль болсон.

Эрдэм шинжилгээ, судалгааны чиглэлүүд:

  • Математик ба механик
  • Физик ба одон орон судлал
  • Химийн  ухаан
  • Биологийн ухаан
  • Техникийн системийн  удирдлага
  • Мэдээлэл зүй ба тооцоолон бодох техник
  • Түүхийн ухаан ба  археологи
  • Эдийн засаг
  • Философи, ёс зүй ба шашин судлал
  •  Хэл шинжлэл ба уран зохиол судлал 
  • Олон нийтийн мэдээллийн хэрэгсэл ба мэдээлэл-номын сангийн ажил
  • Хууль
  • Боловсрол ба сурган хүмүүжүүлэх ухаан
  • Сэтгэл судлал
  • Социологи судлал
  • Улс төрийн ухаан ба бүс нутаг судлал
  • Дэлхийн тухай ухаан

Монгол оюутнууд оролцох боломжтой шинжлэх ухааны судалгаа болон төсөл хөтөлбөрүүд:

 

Монгол оюутнууд оролцох боломжтой конкурс, олимпиад, нэмэлт тэтгэлэгт хөтөлбөрүүд:

  • Гадаадын иргэд болон иргэншилгүй иргэдэд боловсрол олгох уралдаант шалгалтыг ОХУ-ын Засгийн Газрын 2013 оны 10 сарын 8-ны №891 тоот тогтоолоор тогтоосон тоо хэмжээний хүрээнд  явуулдаг.

  • Еврокомиссооv(Эразмус +( KA1) санхүүжүүлдэг Кубаний улсын их сургуулийн гадаад оюутнуудтай хамтарсан оюутан солилцооны хөтөлбөрүүд

Их сургууль тоон үзүүлэлтээр

Зургийн цомог

Амьдрах нөхцөл

Байрны төлбөр, нөхцөл

1

Байрлах хэлбэр, төлбөр

  • 2 ба  3 хүнийх
  • Сарын төлбөр  650 - 800 руб.
  • Нэмэлт үйлчилгээ авбал : сардаа  280  дээш руб.

2

Төлбөрийн нөхцөл

  • Төлбөрийг сараар (өдрийн болон өдрийн /эчнээ ангийн оюутнууд, 30-аас дээш хоногийн сургалтанд ирсэн сонсогчид) хийнэ
  • Төлбөрийг өдрөөр  (эчнээ ангийн оюутнууд, давхар мэргэжлийн  хөтөлбөрөөр суралцах сонсогчид )

3

Байрны нөхцөл

Нэг коридорын загвартай оюутны байр  

  • Гал тогоо
  • Душ
  • Угаалгын өрөө
  • Бие  даалтын ажил хийх сургалтын өрөөнүүд
  • Гуанз  (Оюутны 12-р байр, 10-р байр)

4

Интернет

  • Wi-fi, Интернет өрөөнүүдэд  (нийтийн сүлжээ)

Хувиараа  интернет үйлчилгээ захиалан авч болно5

Оюутны амралт чөлөөт цаг

  • Спорт,  биеийн тамирын тоног төхөөрөмжтой заалд үнэгүй үйлчлүүлнэ
  • Мэргэжлийн дасгалжуулагчтай дугуйланд хамрагдаж болно  (йог, фитнес,  дорнын бие хамгаалах тулааны урлаг г.м.)

6

Хотын нийтийн тээврийн хэрэгслээр зорчих төлбөр

  • Автобус - 20 руб.
  • Троллейбус, трамвай - 15 руб.

7

1 сар амьдрах өртөг

  • 10000 руб.

Сургалтын хөтөлбөрүүд, төлбөр

Байршил

Брошюр татах

Блог

Түгээмэл асуулт, хариултууд

Сургуулиа хэрхэн сонгох вэ?

ОХУ-ын 80 гаруй муж, хотуудад гадаад оюутан элсүүлэх эрхтэй 700 гаруй улсын чанартай их сургууль байдаг. Сургууль бүр өөрийн үүсгэн байгуулагдсан түүх, судалгааны чиглэл, онцлогоосоо хамаараад тодорхой мэргэжлийн чиглэлүүд болон сургалтын хөтөлбөрүүдээ түлхүү хөгжүүлсэн байдаг. Тиймээс суралцах гэж байгаа мэргэжлийг тань үндэслэн хамгийн зөв, оновчтой сургуулийн сонголт хийхэд бидний зүгээс зөвлөгөө, туслалцаа үзүүлэх боломжтой.

Ямар мэргэжлүүд байдаг вэ?

ОХУ-ын боловсролын яамнаас нь баталсан нийтдээ 600 гаруй мэргэжлийн чиглэл байдаг. Эдгээр мэргэжлийн чиглэлүүдийг үндэслэн их сургуулиуд сургалтын хөтөлбөрөө гаргадаг бөгөөд, зарим сургуулиуд нь өөрийн судалгаа шинжилгээ, нарийн хөгжүүлж байгаа салбараасаа хамаараад шинэ мэргэжил, сургалтын хөтөлбөрүүдийг боловсруулж, оюутнууддаа санал болгодог.

Мэргэжлийн чиглэлүүдтэй манай “Мэргэжил” цэснээс танилцаарай.

Суралцах орчин, байр, хоол, амьдрах өртөг нь ямар байдаг вэ?

Оросын ихэнх сургуулиудын хичээлийн байр, оюутны байр, судалгааны бааз, лабораториуд, урлаг спортын цогцолборууд нь бүгд нэгдсэн кампус хотхонд тусгай хамгаалалтанд байдаг. Зарим сургуулиудын оюутны байрууд нь 5-20 мин-ын явган замд, зарим нь автобус, метрогоор явах замд байрладаг. Нэг онцлог нь оюутны байрны төлбөр нь маш хямд – дунджаар ердөө 1 сарын 20,000-50,000₮ байдаг. Хоол, амьжиргааны зардал нь хотоосоо хамаараад 1 сард 250,000-400,000₮ болдог.

Оросод сурах нь бусад орнуудтай харьцуулахад ямар давуу талуудтай байдаг вэ?

1-рт - сургалтын чанар. Анагаах ухаан, инжененер техник, мэдээллийн технологи, уул уурхай, сонгодог урлаг, батлан хамгаалах, байгалийн шинжлэх ухаанд тулгуурласан хими, физик, геологийн чиглэлүүд нь дэлхийд тэргүүлдэг.

2-рт – монголд ойрхон. Хөрш орон учир машин, автобус, галт тэрэг, онгоц гээд бүхий төрлийн тээврийн хэрэгслээр зорчих боломжтой. Ар гэрийнхэн нь 1 сарын хугацаанд визгүй зорчино.

3-рт – амьдрах өртөг бага. Төлбөртэй сурах нөхцөлд төлбөрийн хэмжээ нь монголтой ижил. Мөн оюутнууд ажил хийх албан ёсны зөвшөөрөлтэй болсон.

Оросод сурахад аймар, оюутнууд нь архи их уудаг гэж зарим хүмүүс ярьдаг?

Энэ бол бодит бус цуу яриа. 1990-ээд оны шилжилтийн үе хэдийн өнгөрөөд 30 жил болжээ. Өнөөдөр бол Орос орон аюулгүй байдал, батлан хамгаалах салбараараа харин ч дэлхийд тэргүүлэх орнуудын нэг болж, Оросын зарим хотууд “дэлхийн хамгийн аюулгүй хотууд” жагсаалтуудад хүртэл ороод байна. Оюутны кампусууд нь харуул хамгаалат сайтай байдаг. Мэдээж орой шөнө гараад гудамж захаар яваад байвал дэлхийн аль ч оронд, ямар ч хүмүүс байж болдог. Архи уух нь ч тухайн хувь хүний асуудал, архийг зөвхөн Оросод худалдаалдаг, бусад европ, азийн орнуудад архи уухгүй гэх асуудал байхгүй шүү дээ.

Орос хэлгүй бол яах вэ?

Орос хэлээ аль нэг сургуулийн хэлний бэлтгэлд сурах боломжтой. Нэг онцлог нь Оросын их сургуулиудын хэлний бэлтгэлд орос хэлээ тухайн суралцах мэргэжилд нь тулгуурлан заахаас гадна, ерөнхий мэдлэгийн хичээлүүд болон мэргэжлийн зарим хичээлүүд ордог учраас цаашдаа 1-р курстээ ороод сурахад  маш сайн бэлтгэл болдог. Энэ нь мөн тэтгэлгийн сонгон шалгаруулалтанд бэлтгэх боломж болдог.

Орос хэлийг хаана сурсан нь дээр вэ?

1-рт аль болох монголчууд багатай хотод сурах нь үр дүнтэй байдаг. Учир нь монголчууд ихтэй сургууль болон хотод монгол оюутнууд хоорондоо монгол хэлээрээ яриад орос хэлээ эзэмшихэд саад болдог. Харин орос болон гадаад оюутнуудтай орчинд хүссэн хүсээгүй оросоор л ярих шаардлагатай болдог учир хэлээ богино хугацаанд сайн сурч чаддаг.

Монгол оюутнууд байхгүй бол ганцаардана, дасан зохицоход хэцүү гэж айх, санаа зовох хэрэггүй, сургуулийнх нь гадаад оюутнууд хариуцсан албаны ажилтнууд нь гадаад оюутнуудаа яг л эцэг эх шиг нь л халамж анхаарал тавьдаг.

Тэтгэлгээр элсэн суралцах боломж байдаг уу?

Мэдээж байгаа. ОХУ нь Монголд олгож байгаа тэтгэлгийн хэмжээгээрээ тэргүүлдэг. Жил бүр бакалавр, магистр, доктор болон мэргэжил дээшлүүлэх зэргээр суралцах 500 тэтгэлгийг олгодог. Тэтгэлгийн сонгон шалгаруулалтыг жил бүрийн 2-3 сард Улаанбаатар дахь Оросын шинжлэх ухаан соёлын төвд явуулдаг.

Сургуульдаа сурч байхдаа тэтгэлэгт хамрагдах боломж байдаг уу?

Энэ тал дээр Оросын сургуулиуд маш сайн анхаарал хандуулж оюутнуудыг урамшуулж байдаг. Олон сургуулиуд сургалт, шинжлэх ухаан судалгааны ажлууд, урлаг соёл, нийгэм, спортын чиглэлээр амжилт гаргасан оюутнуудад нэмэгдүүлсэн тэтгэлэг олгодог. Уг тэтгэлгүүдэд аль ч курсын оюутнууд хандах боломжтой бөгөөд хэмжээ нь чиглэлээсээ хамаараад 400,000-600,000₮ байдаг.

Монголд эсвэл өөр улсуудад сурч байгаад 1,2,3-р курсээсээ шилжин суралцаж болдог уу?

Зарим сургуулиуд хүлээж авдаг байгаа. Танд тийм асуудал байгаа бол манайд хандаарай.

Хүсэлт илгээх