card

Санкт-Петербургийн Архитектур Барилгын Улсын Их Сургууль /СПбГАСУ/

       Санкт-Петербургийн Барилга Архитехтурын Улсын Их сургууль нь барилга архитехтурын  салбарын боловсон хүчин бэлтгэх Оросын хамгийн эртний техникийн дээд боловсролын байгууллага юм.  Анх 1832 оны тавдугаар сарын 9-нд Барилгын инженерүүдийн сургууль нэртэйгээр байгуулагдаж үйл ажиллагаагаа эхэлж байсан. Тус сургууль нь түүхэндээ 75 мянга гаруй мэргэжилтэн бэлтгэсний 3 мянга орчим нь дэлхийн 80 гаруй орноос ирж суралцсан байна.

      Мөн тус сургууль нь мэргэжлийн болоод сурган хүмүүжүүлэх ухааны олон жилийн туршлагатай бөгөөд сургалтын технологи, шинжлэх ухааны судалгааны сэдэв, арга барилаа байнга шинэчилж байдаг.

      Санкт-Петербургийн Барилга Архитехтурын Улсын Их сургууль нь шаардлагатай бүхий л сургалтын болон анги танхимын сантай, сургалтын болон судалгааны лабораториуд нь иж бүрэн тоноглогдсон, орчин үеийн баталгаажсан программ-мэдээллийн компьютер хангамжийг сургалтандаа ашигладаг, шинжлэх ухаан, инновацийн болон удирдлагын үйл ажиллагаа,  аудиовизуалын сургалтын арга техник хэрэглэдэг юм.

Их сургуулийн тухай

Байрлах хот:

  • Санкт-Петербург хот

Салбар сургуулиуд, төлөөлөгчийн газрууд:

  • Байхгүй

Байгуулагдсан огноо:

  • 1832 оны 5 сарын 9

Дэлхийн түвшинд болон ОХУ дахь рейтинг:

  • RAEX  рейтинигийн Барилга, архитехтурын салбарын “Архитехтур”-ын чиглэлд тэргүүн байр,
  • Шинжлэх ухаан, судалгааны институт болох Эдийн засгийн дээд сургууль, Яндекс технологийн компани хоёрын хамтарсан  элсэлтийн чанарын мониторинг хяналтын “Барилга”-ын чиглэлд 5 байр
  • Оросын техникийн ухааны 42 сургуулиас 35 байр
  • Өндөр босготой их сургуулийн рейтингт 45 байр
  • Олон улсын рейтингийн агентлаг «Эксперт РА» -ийн гаргасан Оросын шилдэг 100 сургуулийн жагсаалтанд 51 байр
  • RUR рейтингт Оросын их дээд сургуулиудын дунд 57 байр

Их сургуулийн стратеги хөгжил болон шинжлэх ухаан боловсролын тэргүүлэх чиглэлүүд:

  • Архитехтур, хот төлөвлөлт
  • Архитектурын өвийг сэргээн засварлах, хамгаалах
  • Барилга ба орон сууц, нийтийн үйлчилгээ
  • Барилга, орон сууц, нийтийн үйлчилгээний цахим өөрчлөлт
  • Шинэ материал, дизайн ба нэмэлт технологи
  • Автомашин, замын цогцолбор ба оюуны тээврийн систем

Монгол оюутнууд оролцож болох шинжлэх ухаан судалгааны болон төсөл хөтөлбөрүүд:

  • Арктикийн архитектур
  • Тогтвортой архитектур (соёлын өвөрмөц байдал, үр ашиг ба материал, эрчим хүч, орон зайг ашиглахад зохицуулалт хийх хөгжил);
  • хямралтай газар нутгийг хөгжүүлэх, таниулах асуудал түүхт хотуудын хот төлөвлөлт, архитектурын хөгжил;
  • архитектурын өвийг сэргээн босгох, сэргээх шинэ технологи;
  • хүйтэн бүс нутгийн барилгын ажил, зураг төсөл; 
  • аюулгүй, эрчим хүчний хэмнэлттэй шинэ материал;
  • шинэ үр дүнтэй загвар, тэдгээрийн дизайны аргууд;
  • барилгын үйлдвэрлэлийн шинэ технологи;

Монгол оюутнууд оролцон тэтгэлэг, грант авах боломжтой олимпиад, конкурс, уралдаанууд:

  • Сургуулиас болон тэнхмээс зохион байгуулж буй бүхий л хөтөлбөрт монгол оюутнууд оролцох боломжтой

Их сургууль тоон үзүүлэлтээр

Зургийн цомог

Амьдрах нөхцөл

1

Өрөөнд байрлах хүний тоо ба төлбөр

  • Нэг сарын 1400-3500 рубль

2

Төлбөрийн нөхцөл

  • Хагас жилээр
  • Жилээр

 

3

Байрны нөхцөл

  • Гал тогоо
  • Шүршүүр
  • Хувцас индүүдэх өрөө
  • Цагаан хэрэгсэл 
  • Мебель
  • Интернет
  • Кабелийн телевиз
  • 24 цагийн хамгаалалт
  • Видеоажиглалт

 

4

Интернет

  • Wi-Fi 

5

Оюутны амралт, чөлөөт цаг

  • Оюутны амралт, уран бүтээлийн төв «Кирпич»
  • Гадаад оюутны зөвлөл

6

Хот дотор нийтийн тээврийн хэрэгслээр зорчих төлбөр

  • Оюутны хөнгөлөлттэй билет - 1 сарын 1035 рубль (бүх төрлийн тээврийн хэрэгсэлд үйлчилнэ)

7

1 сарын амьдралын өртөг

  • Ойролцоогоор 30000 рубль (400 ам.доллар)

Сургалтын хөтөлбөрүүд, төлбөр

Байршил

Брошюр татах

Блог

Түгээмэл асуулт, хариултууд

Сургуулиа хэрхэн сонгох вэ?

ОХУ-ын 80 гаруй муж, хотуудад гадаад оюутан элсүүлэх эрхтэй 700 гаруй улсын чанартай их сургууль байдаг. Сургууль бүр өөрийн үүсгэн байгуулагдсан түүх, судалгааны чиглэл, онцлогоосоо хамаараад тодорхой мэргэжлийн чиглэлүүд болон сургалтын хөтөлбөрүүдээ түлхүү хөгжүүлсэн байдаг. Тиймээс суралцах гэж байгаа мэргэжлийг тань үндэслэн хамгийн зөв, оновчтой сургуулийн сонголт хийхэд бидний зүгээс зөвлөгөө, туслалцаа үзүүлэх боломжтой.

Ямар мэргэжлүүд байдаг вэ?

ОХУ-ын боловсролын яамнаас нь баталсан нийтдээ 600 гаруй мэргэжлийн чиглэл байдаг. Эдгээр мэргэжлийн чиглэлүүдийг үндэслэн их сургуулиуд сургалтын хөтөлбөрөө гаргадаг бөгөөд, зарим сургуулиуд нь өөрийн судалгаа шинжилгээ, нарийн хөгжүүлж байгаа салбараасаа хамаараад шинэ мэргэжил, сургалтын хөтөлбөрүүдийг боловсруулж, оюутнууддаа санал болгодог.

Мэргэжлийн чиглэлүүдтэй манай “Мэргэжил” цэснээс танилцаарай.

Суралцах орчин, байр, хоол, амьдрах өртөг нь ямар байдаг вэ?

Оросын ихэнх сургуулиудын хичээлийн байр, оюутны байр, судалгааны бааз, лабораториуд, урлаг спортын цогцолборууд нь бүгд нэгдсэн кампус хотхонд тусгай хамгаалалтанд байдаг. Зарим сургуулиудын оюутны байрууд нь 5-20 мин-ын явган замд, зарим нь автобус, метрогоор явах замд байрладаг. Нэг онцлог нь оюутны байрны төлбөр нь маш хямд – дунджаар ердөө 1 сарын 20,000-50,000₮ байдаг. Хоол, амьжиргааны зардал нь хотоосоо хамаараад 1 сард 250,000-400,000₮ болдог.

Оросод сурах нь бусад орнуудтай харьцуулахад ямар давуу талуудтай байдаг вэ?

1-рт - сургалтын чанар. Анагаах ухаан, инжененер техник, мэдээллийн технологи, уул уурхай, сонгодог урлаг, батлан хамгаалах, байгалийн шинжлэх ухаанд тулгуурласан хими, физик, геологийн чиглэлүүд нь дэлхийд тэргүүлдэг.

2-рт – монголд ойрхон. Хөрш орон учир машин, автобус, галт тэрэг, онгоц гээд бүхий төрлийн тээврийн хэрэгслээр зорчих боломжтой. Ар гэрийнхэн нь 1 сарын хугацаанд визгүй зорчино.

3-рт – амьдрах өртөг бага. Төлбөртэй сурах нөхцөлд төлбөрийн хэмжээ нь монголтой ижил. Мөн оюутнууд ажил хийх албан ёсны зөвшөөрөлтэй болсон.

Оросод сурахад аймар, оюутнууд нь архи их уудаг гэж зарим хүмүүс ярьдаг?

Энэ бол бодит бус цуу яриа. 1990-ээд оны шилжилтийн үе хэдийн өнгөрөөд 30 жил болжээ. Өнөөдөр бол Орос орон аюулгүй байдал, батлан хамгаалах салбараараа харин ч дэлхийд тэргүүлэх орнуудын нэг болж, Оросын зарим хотууд “дэлхийн хамгийн аюулгүй хотууд” жагсаалтуудад хүртэл ороод байна. Оюутны кампусууд нь харуул хамгаалат сайтай байдаг. Мэдээж орой шөнө гараад гудамж захаар яваад байвал дэлхийн аль ч оронд, ямар ч хүмүүс байж болдог. Архи уух нь ч тухайн хувь хүний асуудал, архийг зөвхөн Оросод худалдаалдаг, бусад европ, азийн орнуудад архи уухгүй гэх асуудал байхгүй шүү дээ.

Орос хэлгүй бол яах вэ?

Орос хэлээ аль нэг сургуулийн хэлний бэлтгэлд сурах боломжтой. Нэг онцлог нь Оросын их сургуулиудын хэлний бэлтгэлд орос хэлээ тухайн суралцах мэргэжилд нь тулгуурлан заахаас гадна, ерөнхий мэдлэгийн хичээлүүд болон мэргэжлийн зарим хичээлүүд ордог учраас цаашдаа 1-р курстээ ороод сурахад  маш сайн бэлтгэл болдог. Энэ нь мөн тэтгэлгийн сонгон шалгаруулалтанд бэлтгэх боломж болдог.

Орос хэлийг хаана сурсан нь дээр вэ?

1-рт аль болох монголчууд багатай хотод сурах нь үр дүнтэй байдаг. Учир нь монголчууд ихтэй сургууль болон хотод монгол оюутнууд хоорондоо монгол хэлээрээ яриад орос хэлээ эзэмшихэд саад болдог. Харин орос болон гадаад оюутнуудтай орчинд хүссэн хүсээгүй оросоор л ярих шаардлагатай болдог учир хэлээ богино хугацаанд сайн сурч чаддаг.

Монгол оюутнууд байхгүй бол ганцаардана, дасан зохицоход хэцүү гэж айх, санаа зовох хэрэггүй, сургуулийнх нь гадаад оюутнууд хариуцсан албаны ажилтнууд нь гадаад оюутнуудаа яг л эцэг эх шиг нь л халамж анхаарал тавьдаг.

Тэтгэлгээр элсэн суралцах боломж байдаг уу?

Мэдээж байгаа. ОХУ нь Монголд олгож байгаа тэтгэлгийн хэмжээгээрээ тэргүүлдэг. Жил бүр бакалавр, магистр, доктор болон мэргэжил дээшлүүлэх зэргээр суралцах 500 тэтгэлгийг олгодог. Тэтгэлгийн сонгон шалгаруулалтыг жил бүрийн 2-3 сард Улаанбаатар дахь Оросын шинжлэх ухаан соёлын төвд явуулдаг.

Сургуульдаа сурч байхдаа тэтгэлэгт хамрагдах боломж байдаг уу?

Энэ тал дээр Оросын сургуулиуд маш сайн анхаарал хандуулж оюутнуудыг урамшуулж байдаг. Олон сургуулиуд сургалт, шинжлэх ухаан судалгааны ажлууд, урлаг соёл, нийгэм, спортын чиглэлээр амжилт гаргасан оюутнуудад нэмэгдүүлсэн тэтгэлэг олгодог. Уг тэтгэлгүүдэд аль ч курсын оюутнууд хандах боломжтой бөгөөд хэмжээ нь чиглэлээсээ хамаараад 400,000-600,000₮ байдаг.

Монголд эсвэл өөр улсуудад сурч байгаад 1,2,3-р курсээсээ шилжин суралцаж болдог уу?

Зарим сургуулиуд хүлээж авдаг байгаа. Танд тийм асуудал байгаа бол манайд хандаарай.

Хүсэлт илгээх