card

Москва хотын  Улсын технологийн их сургууль (СТАНКИН)

Москва хотын  Улсын технологийн их сургууль (СТАНКИН)  ( цаашид МГТУ «СТАНКИН») нь томоохон аж үйлдвэрийн нэгжүүдэд орчин үеийн тоног төхөөрөмж бий болгох чиглэлээр үйл ажиллагаа явуулдаг  тэргүүлэгч технологийн их сургууль юм.

МГТУ «СТАНКИН» нь томоохон аж үйлдвэрийн холдингуудын инженерийн боловсон хүчин,  IT-гийн мэргэжилтэн,  технологич; экологи, чанарын менежмент, орчин үеийн материал боловсруулах чиглэлээр мэргэшсэн мэргэжилтнүүд, түүнчлэн санхүүгийн, инновацийн, стратегийн  чиглэлээр өргөн хүрээний ур чадвар, мэдлэг эзэмшсэн менежерүүдийг бэлтгэдэг гэдгээрээ хүлээн зөвшөөрөгдсөн тэргүүний их сургууль юм.

Тус их сургуульд   дэлхийн 65 орны оюутан суралцдаг.  МГТУ «СТАНКИН» бол  дэлхийн хэмжээнд  хүлээн зөвшөөрөгдсөн Шинжлэх ухаан, боловсролын төв болно.

МГТУ «СТАНКИН»  Москва хотын төвд хэсэгт байрладаг ба сургуулийн ойролцоо метроны 3 станц, томоохон Худалдааны төвүүд, парк, спортын төвүүд бий.

Элсэлтийн зөвлөхтэй шууд холбогдох

Тус сургуулийн элсэлтийн зөвлөх 14:00-20:00 цагын хооронд шууд холбоос дээр ажиллаж байна. Та цагын хувиарын дагуу холбогдоно уу.
Холбогдох линк
Элсэлтийн зөвлөхтэй шууд холбогдох

Их сургуулийн тухай

Байрлах хот:

Москва хот

Байгуулагдсан огноо:

  • 1930 он

Салбар сургуулиуд, төлөөлөгчийн газрууд

  • Егорьевск хот  (Москва муж)

Дэлхийн түвшинд болон ОХУ дахь рейтинг

  • Forbes  сэтгүүлийн рейтингээр  ОХУ-ын 100 тэргүүний их сургуулиас 29 –д (2021 он.)
  • RAEX-ийн рейтингийн үзүүлэлтээр  ОХУ-ын  тэргүүний их сургуулиас  54 –т (2021 он)
  • “Их сургуулийн гурван эрхэм зорилго” рейтингээр ОХУ-ын 112 тэргүүний их, дээд  сургуулиас  87- д
  • Интерфаксын «Судалгаанууд» блокийн рейтингээр ОХУ-ын 24 тэргүүний их, дээд  сургуулиас  23-т   (2021 он)
  • QS University Rankings: Emerging Europe and Central Asia  олон улсын рейтингээр 250 их, дээд сургуулиас  241- т (2021 он) тус тус эрэмблэгдсэн

Их сургуулийн стратеги хөгжил болон шинжлэх ухаан боловсролын  тэргүүлэх чиглэлүүд

  • Их сургуулийн шинжлэх ухаан, судалгааны үндсэн чиглэлүүд:
  • орчин үеийн тоон  технологид суурилсан үйлдвэрлэл;
  • үйлдвэрлэлийн систем, тоног төхөөрөмжийн инженеринг;
  • програмчлалын инженеринг;
  • эрүү нүүрний мэс засал,  шүдний эмчилгээ, мэдрэлийн мэс заслын анагаахын робот техник;
  • аж үйлдвэрийн робототехник;
  • сенсорик/ мэдрэхүй  ба  хиймэл оюун ухааны технологи;
  • 3D загварчлалыг орчин үеийн үйлдвэрлэлд ашиглах;
  • нөөц хэмнэлт;
  • экологийн аюулгүй байдал;
  • их өгөгдлийн судалгаа;
  • бизнес мэдээлэл зүй;
  • мэдээллийн системийн аюулгүй байдал ;
  • экологи (техносферын аюулгүй байдал ;
  • орчин үеийн машин үйлдвэрлэлийн тоног төхөөрөмж;
  • ухаалаг машин үйлдвэрлэлийн систем;
  • тоон ихрүүд; хиймэл оюун ухаан г.м
Монгол оюутнууд оролцож болох шинжлэх ухаан судалгааны чиглэлүүд болон төсөл хөтөлбөрүүд Их сургууль  нь  35 гаруй тэнхимтэй. Тэнхим бүр хэд хэдэн шинжлэх ухааны сэдвээр судалгаа хийгээд зогсохгүй  эдгээр сэдвүүдийн чиглэлээр  оюутны клуб, судалгааны бүлгүүд ажилладаг юм. Иймд   бакалавр, магистрын түвшинд суралцдаг  монгол оюутнууд  аль ч  судалгааны бүлгүүдэд орж ажиллах боломжтой.
Монгол оюутнууд оролцон тэтгэлэг, грант авах боломжтой олимпиад, конкурс, уралдаанууд

Гадаад оюутнууд  ОХУ-ын их, дээд сургуульд  тэтгэлгээр, үнэгүй суралцахыг хүсвэл  https://education-in-russia.com сайтаар дамжуулан  бүртгүүлэх боломжтой.

МГТУ «СТАНКИН» нь  жил бүр  ЕБС-ийн  төгсөх ангийн (цаашид бакалаврын түвшинд элсэн суралцах хүсэлтэй) суралцагчдын дунд  мэргэжлийн олон чиглэлээр олон улсын "ГҮҮР" олимпиадыг зохион байгуулда. Мөн  магистрын хөтөлбөрт хамрагдах хүсэлтэй хүмүүст зориулан мэргэжлийн  олон чиглэлээр  "Миний карьер" олон улсын олимпиадыг зохиодог юм. Та эдгээр олимпиадын талаархи дэлгэрэнгүй мэдээллийг Их сургуулийн https://stankin.ru/pages/id_88/page_595 вэб сайтаас авч болно.

Их сургууль тоон үзүүлэлтээр

Зургийн цомог

Амьдрах нөхцөл

1

Өрөөнд амьдрах хүний  тоо, үнэ

  • 2 хүний өрөө (магистр болон аспирантууд) –  1000 руб
  • 4 хүний өрөө (бакалавр болон бэлтгэл ангийн оюутнууд) – 1000 руб

2

Төлбөрийн нөхцөл

Хагас жилээр

3

Байрны нөхцөл

Оюутны дотуур байр нь Их сургуулийн хичээлийн төв байртай маш ойрхон. Дотуур байрнууд нь блок системийн / орон сууцны зохион байгуулалттай бөгөөд  блок бүр 2 өрөө, ариун цэврийн өрөө, усанд орох өрөөтэйгээс гадна шаардлагатай бүхий л мебель тавилга, ахуйн хэрэглээний хэрэгслээр хангагдсан байдаг.   Мөн түүнчлэн  хоолоо хийх  гал тогооны, хичээлээ давтах, спортоор хичээллэх зэрэг тусгай  өрөөнүүд бий.

Гэр бүлтэй оюутнуудад тусад нь өрөө гаргаж өгдөг.

4

Интернет

өрөө бүр Wi-fi

5

Оюутны амралт, чөлөөт цаг

  • Спорт цогцолбор
  • Соёлын төв (оюутны клуб)
  • Спорт клуб ( 40 гаруй спорт  дугуйлантай) г.м

6

Хот дотор нийтийн тээврийн  хэрэгслээр зорчих төлбөр

  • Автобус – 0.8 $.
  • Метро - 0.8 $.
  • МГТУ «СТАНКИН» -ы оюутнууд нийтийн тээврийн хэрэгслээр   хөнгөлөлттэй үнээр зорчих эрхтэй (метро, автобус, троллейбус, трамвай) Москва хотын метро-гоор нэг сар хязгааргүй зорчих тасалбарын үнэ ердөө   6 $

7

1 сарын амьдралын өртөг

  • 300 $-оос дээш

Байршил

Блог

Түгээмэл асуулт, хариултууд

Сургуулиа хэрхэн сонгох вэ?

ОХУ-ын 80 гаруй муж, хотуудад гадаад оюутан элсүүлэх эрхтэй 700 гаруй улсын чанартай их сургууль байдаг. Сургууль бүр өөрийн үүсгэн байгуулагдсан түүх, судалгааны чиглэл, онцлогоосоо хамаараад тодорхой мэргэжлийн чиглэлүүд болон сургалтын хөтөлбөрүүдээ түлхүү хөгжүүлсэн байдаг. Тиймээс суралцах гэж байгаа мэргэжлийг тань үндэслэн хамгийн зөв, оновчтой сургуулийн сонголт хийхэд бидний зүгээс зөвлөгөө, туслалцаа үзүүлэх боломжтой.

Ямар мэргэжлүүд байдаг вэ?

ОХУ-ын боловсролын яамнаас нь баталсан нийтдээ 600 гаруй мэргэжлийн чиглэл байдаг. Эдгээр мэргэжлийн чиглэлүүдийг үндэслэн их сургуулиуд сургалтын хөтөлбөрөө гаргадаг бөгөөд, зарим сургуулиуд нь өөрийн судалгаа шинжилгээ, нарийн хөгжүүлж байгаа салбараасаа хамаараад шинэ мэргэжил, сургалтын хөтөлбөрүүдийг боловсруулж, оюутнууддаа санал болгодог.

Мэргэжлийн чиглэлүүдтэй манай “Мэргэжил” цэснээс танилцаарай.

Суралцах орчин, байр, хоол, амьдрах өртөг нь ямар байдаг вэ?

Оросын ихэнх сургуулиудын хичээлийн байр, оюутны байр, судалгааны бааз, лабораториуд, урлаг спортын цогцолборууд нь бүгд нэгдсэн кампус хотхонд тусгай хамгаалалтанд байдаг. Зарим сургуулиудын оюутны байрууд нь 5-20 мин-ын явган замд, зарим нь автобус, метрогоор явах замд байрладаг. Нэг онцлог нь оюутны байрны төлбөр нь маш хямд – дунджаар ердөө 1 сарын 20,000-50,000₮ байдаг. Хоол, амьжиргааны зардал нь хотоосоо хамаараад 1 сард 250,000-400,000₮ болдог.

Оросод сурах нь бусад орнуудтай харьцуулахад ямар давуу талуудтай байдаг вэ?

1-рт - сургалтын чанар. Анагаах ухаан, инжененер техник, мэдээллийн технологи, уул уурхай, сонгодог урлаг, батлан хамгаалах, байгалийн шинжлэх ухаанд тулгуурласан хими, физик, геологийн чиглэлүүд нь дэлхийд тэргүүлдэг.

2-рт – монголд ойрхон. Хөрш орон учир машин, автобус, галт тэрэг, онгоц гээд бүхий төрлийн тээврийн хэрэгслээр зорчих боломжтой. Ар гэрийнхэн нь 1 сарын хугацаанд визгүй зорчино.

3-рт – амьдрах өртөг бага. Төлбөртэй сурах нөхцөлд төлбөрийн хэмжээ нь монголтой ижил. Мөн оюутнууд ажил хийх албан ёсны зөвшөөрөлтэй болсон.

Оросод сурахад аймар, оюутнууд нь архи их уудаг гэж зарим хүмүүс ярьдаг?

Энэ бол бодит бус цуу яриа. 1990-ээд оны шилжилтийн үе хэдийн өнгөрөөд 30 жил болжээ. Өнөөдөр бол Орос орон аюулгүй байдал, батлан хамгаалах салбараараа харин ч дэлхийд тэргүүлэх орнуудын нэг болж, Оросын зарим хотууд “дэлхийн хамгийн аюулгүй хотууд” жагсаалтуудад хүртэл ороод байна. Оюутны кампусууд нь харуул хамгаалат сайтай байдаг. Мэдээж орой шөнө гараад гудамж захаар яваад байвал дэлхийн аль ч оронд, ямар ч хүмүүс байж болдог. Архи уух нь ч тухайн хувь хүний асуудал, архийг зөвхөн Оросод худалдаалдаг, бусад европ, азийн орнуудад архи уухгүй гэх асуудал байхгүй шүү дээ.

Орос хэлгүй бол яах вэ?

Орос хэлээ аль нэг сургуулийн хэлний бэлтгэлд сурах боломжтой. Нэг онцлог нь Оросын их сургуулиудын хэлний бэлтгэлд орос хэлээ тухайн суралцах мэргэжилд нь тулгуурлан заахаас гадна, ерөнхий мэдлэгийн хичээлүүд болон мэргэжлийн зарим хичээлүүд ордог учраас цаашдаа 1-р курстээ ороод сурахад  маш сайн бэлтгэл болдог. Энэ нь мөн тэтгэлгийн сонгон шалгаруулалтанд бэлтгэх боломж болдог.

Орос хэлийг хаана сурсан нь дээр вэ?

1-рт аль болох монголчууд багатай хотод сурах нь үр дүнтэй байдаг. Учир нь монголчууд ихтэй сургууль болон хотод монгол оюутнууд хоорондоо монгол хэлээрээ яриад орос хэлээ эзэмшихэд саад болдог. Харин орос болон гадаад оюутнуудтай орчинд хүссэн хүсээгүй оросоор л ярих шаардлагатай болдог учир хэлээ богино хугацаанд сайн сурч чаддаг.

Монгол оюутнууд байхгүй бол ганцаардана, дасан зохицоход хэцүү гэж айх, санаа зовох хэрэггүй, сургуулийнх нь гадаад оюутнууд хариуцсан албаны ажилтнууд нь гадаад оюутнуудаа яг л эцэг эх шиг нь л халамж анхаарал тавьдаг.

Тэтгэлгээр элсэн суралцах боломж байдаг уу?

Мэдээж байгаа. ОХУ нь Монголд олгож байгаа тэтгэлгийн хэмжээгээрээ тэргүүлдэг. Жил бүр бакалавр, магистр, доктор болон мэргэжил дээшлүүлэх зэргээр суралцах 500 тэтгэлгийг олгодог. Тэтгэлгийн сонгон шалгаруулалтыг жил бүрийн 2-3 сард Улаанбаатар дахь Оросын шинжлэх ухаан соёлын төвд явуулдаг.

Сургуульдаа сурч байхдаа тэтгэлэгт хамрагдах боломж байдаг уу?

Энэ тал дээр Оросын сургуулиуд маш сайн анхаарал хандуулж оюутнуудыг урамшуулж байдаг. Олон сургуулиуд сургалт, шинжлэх ухаан судалгааны ажлууд, урлаг соёл, нийгэм, спортын чиглэлээр амжилт гаргасан оюутнуудад нэмэгдүүлсэн тэтгэлэг олгодог. Уг тэтгэлгүүдэд аль ч курсын оюутнууд хандах боломжтой бөгөөд хэмжээ нь чиглэлээсээ хамаараад 400,000-600,000₮ байдаг.

Монголд эсвэл өөр улсуудад сурч байгаад 1,2,3-р курсээсээ шилжин суралцаж болдог уу?

Зарим сургуулиуд хүлээж авдаг байгаа. Танд тийм асуудал байгаа бол манайд хандаарай.

Хүсэлт илгээх